eymingjablogg

langt síðan, jafnvel mjög langt síðan

2007-11-02T10:52:00.000Z

ég hef sett inn færslu hér, enda er hún bara til að hafa nú efst vísun á aktífu síðuna mína.

Hér bý ég núna og er reyndar búin að vera í talsverðan tíma.

tilraun

2007-05-15T16:07:00.000Z

Tókst ekki að setja þetta inn á wp, prófa hér:

allir með kapla

2007-04-03T21:50:00.001Z

allir með kapla
Originally uploaded by hildigunnur.

fór ekki smá tími í þetta spilastúss. Sem betur fór var fullt fullt af spilastokkum, stundum voru 4 slíkir í gangi í einu.

Verst að ég er búin að steingleyma báðum tveggjastokka köplunum sem ég kunni. Þeir eru skemmtilegir. Hmmmm.

sveimérþá

2007-03-12T11:18:00.000Z

ég held að ég sé flutt. Endilega breytið tenglum hjá ykkur, esskurnar mínar :-) http://hildigunnur.wordpress.com/

komin með wordpress

2007-03-10T23:02:00.000Z

síðu, hún er hér. Ekki breyta linkunum alveg strax, ég er ekki alveg búin að negla flutninginn. Sýnist ég ekki geta hrært í útlitinu á síðunni nógu mikið fyrir minn smekk nema ef ég verð með eigin site.

En þarna er hægt að kommenta, að minnsta kosti. Flutti allar færslurnar héðan yfir, þannig að vinsamlegast skrifið kommentin aftur sem ekki komust í gegn hér. Plííís?

svör

2007-03-10T10:36:00.000Z

ekkert skánar bannsett kerfið, ég er svo bæði búin að reyna að henda blogger kerfinu inn (birtist ekki) og halló'skan (virðist vera með síðuna í einhvers konar millibilsástandi þannig að innsetning virkar ekki, þarf annaðhvort að vera á gamla blogger eða búin að færa yfir í nýja útlitið í nýja blogger (hvað ég vil ekki)). Spurning hvort maður á að gerast drastískur og fara alla leið yfir í wordpress? Ætla nú ekki að setja upp eigin server samt þó tölvan ráði fyllilega við það, ég kann engan veginn nóg til þess.

En semsagt, get ekki svarað neinum kommentum í glugganum þannig að hér kemur:
Finni gekk ljómandi vel að spila, takk Svanfríður
Kristín, jú, auðvitað á maður alltaf að stefna aðeins hærra en börnin geta, þetta lag er bara svolítið mikið stökk.
Syngibjörg og Anna Jonna, tónleikarnir með Carmina Burana verða þann 25. mars, klukkan 17.00 og 20.00 í Langholtskirkju.
Arnar, nei, heldurðu að ég hafi nokkuð fattað það :-D Og Kalli, klárt, aldrei nokkurn tímann kaupa ódýr vín á veitingastað!

(er ég að gleyma einhverjum? Ekki það að þið getið svarað mér. Grrrr)

jamm, fór ekki nógu neðarlega. Jú, Þorbjörn, tennisspaðar og boltar verða algjört möst í sumar. Jafnvel frá Slazenger.

frumflutningur

2007-03-09T22:45:00.000Z

já, það er frumflutningur hjá mér á morgun (laugardag). Kennaratríó úr Suzukiskólanum spilar glænýtt píanótríó á tónleikum klukkan 15.00 í Laugarneskirkju. Allir velkomnir, lofa léttum og skemmtilegum tónleikum. Nýja stykkið mjög áheyrnarvænt :-D

mín ansi góð

2007-03-09T21:33:00.000Z

áðan, var að opna Montes sauvignon blanc hvítvínsflösku, tók okkar fína gasopnara með hettuskera, skar utan af, kippti lokinu af og voilá! flaskan galopin. Skrúftappi...

hrmmm

2007-03-09T14:01:00.000Z

þetta fer nú að verða fullgróft!

Hef haldið í enetation kommentakerfið mest af þrjósku en þetta gengur eiginlega ekki lengur. Opnast ekki fjárans glugginn einu sinni. Ekki furða þó enginn hafi kommentað í marga daga.

Búin að setja Show comments í Settings hjá mér í Blogger, hvurnig stendur nú á því að þau sýna sig ekki? Ætli sé ekki hægt að vera með bæði inni. Ég tími engan veginn að týna öllum þessum gömlu.

tiltekt

2007-03-09T13:06:00.000Z

tók til á tenglalistanum. Nokkrir sem hafa ekki skrifað í óratíma fengu að fjúka, einhverjir sem ég er hætt að lesa (ef þið eruð enn þarna inni er ég enn að lesa, þó ég kommenti kannski ekki mjög mikið, væri full vinna að fylgjast með öllum þessum og kommenta).

Nokkur vafaatriði og yfirleitt lét ég viðkomandi njóta vafans, sérstaklega ef ég veit að fólk les samviskusamlega mínar færslur þó það sé afskaplega latt að skrifa (þið vitið hver þið eruð)

get bara ekki annað

2007-03-08T16:16:00.000Z

en tengt á þessa snilld hér. Ekki furða þó pókerfésið dytti af.

litli herramaðurinn

2007-03-07T12:45:00.000Z

og víólubarnið tekur fyrri hluta útskriftar úr fyrstu Suzukivíólubókinni í hóptíma á eftir. Á að spila heil 3 lög í sóló, er búinn að vera voða duglegur að æfa sig :-D Ég fékk mömmu til að kenna fyrir mig einn tíma á eftir til að komast að hlusta. Mömmur verða nú að vera til staðar á svona stórum stundum.

Reyndar er aðalútskriftin enn eftir, þá skal spilað eitt ógurlega langt og erfitt lag sem ég skil reyndar ekki almennilega hvað er að gera í fyrstu bók, fyrir svona litla krakka. Verður örugglega ekki eins flott hjá honum eins og lögin í dag, sem eru miklu eðlilegri fyrir þennan aldur og getu. Hmmm.

ess

2007-03-06T22:47:00.000Z

á, a.k.a. Sinfóníuhljómsveit áhugamanna er í verulega skemmtilegu verkefni núna. Carmina burana, með óperukórnum Cortezinn stjórnar. Hræddi okkur á æfingunni áðan með því að segja ekkju Carls Orff myndu koma á tónleikana þannig að eins gott að við stöndum okkur. Engin happa/glappaspilamennska í þetta sinn, þó maður hafi nú stundum látið það duga. Æfingabúðir framundan og allt. Úff.

En gaman verður þetta.

Friðrik V.

2007-03-05T13:44:00.000Z

Hringdi fullseint til að panta borð á hinum rómaða veitingastað Akureyrar. Allt uppbókað. Gat þó skrapað borð fyrir okkur tvö klukkan 18.00 og yrðum að vera farin út klukkan 20.30. Well, þolum það, þar sem við vorum ekkert tímabundin, hvorki fram- eða aftur fyrir.

Mættum á slaginu 6, vel tekið á móti okkur. Settumst inn í hliðarsal með matseðla og fordrykk, flúðum reyndar fljótlega fyrir tvennum hjónum sem settust þar líka og kveiktu sér í íþróttablysum (þetta nýyrði heyrði ég fyrst í morgun, reyndar). Inn í ljómandi fallegan veitingasalinn, dempuð ljós í lofti og ullarmyndir á veggjum.

Þar sem við vorum frekar tímabundin fengum við okkur ekki heimsreisu Friðriks sjálfs, eigum slíkt inni fyrir næsta skipti (og það verður bókað næsta skipti) Eins og við er að búast á fínum húsum var borið fram brauð fyrir matinn, 4 tegundir, ylvolgt og bara fínt, þó prívat hafi mér fundist aðeins of margar tegundir með heilhveiti, ekki mikið fyrir það. Jón Lárus pantaði sér síðan nautalund með lerkisveppum og rauðvínssósu, ég heilsteikta gæsabringu með berjasoðsósu. Hvorttveggja mjög gott, sérstaklega bráðnaði nautalundin í munni. Ekki víst að við höfum bragðað svona gott nautakjöt nema ein steik sem ég held að hafi verið ættuð frá Paragvæ. Sló Argentínu langt út af kortinu. Kartöflukakan með nautinu var kannski síst spennandi meðlætið, annað sem fylgdi því var mjög gott, sérstaklega grilluð paprika, mikið lostæti. Með gæsabringunni voru (fyrir utan berjasoðsósuna sem var frábær) nokkrir baunabelgir, einn kirsuberjatómatur og rönd af mjög góðri kartöflumousse.

Með þessu drukkum við Clos des Jacobins, snilldarvín. Álagningin hefði getað verið meiri, vínið kostar 3500 krónur í Vínbúðum en var á tæp 5500 á staðnum, til samanburðar var líka til Brolio sem er eitt af okkar uppáhaldsvínum, kostar 1800 krónur í Vínbúðum en 4200 á staðnum (muni ég rétt), talsvert meira lagt þar á, sérstaklega miðað við upphafsverð.

Vínseðillinn er annars ágætur, hefði mögulega viljað sjá aðeins meira af fínni vínum þar inni, fullmörg vín sem eru á um 1500-1700 krónur í Vínbúðum, þó góð séu. Kampavínsseðillinn ekki alveg nógu spennandi heldur, hefðu mátt vera með heldur meira úrval þar.

Súkkulaðibúðingur (raunar frekar súkkulaðikaka með mjúkri miðju en búðingur) með hindberjasósu og vanilluís var mjög fínn eftirréttur, bragðið small allt hvert inn í annað. Espressobolli og konfektmolar ljómandi, sá hvíti sístur (en við erum ekki mikið fyrir hvítt „súkkulaði“ þannig að það þarf ekki að vera að marka) Glas af eftirréttavíni (soave, frá Bolla) olli örlitlum vonbrigðum en þar sem við völdum það sjálf og fengum meira að segja að smakka, getum við eiginlega tæpast kvartað. Vin santo sem stóð einnig til boða hefði örugglega verið bragðmeira. Það mætti alveg bjóða upp á Tokaji, þó sommelier staðarins vilji kannski ekki fara alla leið í fínustu sauternesvín.

All in all, frábært kvöld. Þjónustan ljómandi, eina sem við gátum fundið að henni var að á svona fínum stað væri meira viðeigandi að hellt sé í glös gesta í stað þess að flaskan og vatnskannan séu bara skildar eftir á borðinu. Hefði mátt bjóða meira brauð örlítið sjaldnar í staðinn.

Takk fyrir okkur :-)

Agureyri

2007-03-04T23:35:00.000Z

fórum þangað um helgina, íbúð í láni og skutumst norður, bara tvö. Gerðum ekkert alla helgina. Tótal snilld. Jú, lásum, töluðum saman (gott), þögðum saman (ekki síður gott), töltum um bæinn, borðuðum á Friðriki fimmta (smá rýni bíður morgundagsins, of þreytt núna). Drukkum slatta af rauðvíni, spiluðum Trivial þrisvar (ég tapaði í öll skiptin, urr), fórum á barinn á hótel KEA, þar var trúlega flottasta úrval af Macallan viskíum sem ég hef séð, hótelið snarhækkaði í áliti hjá mér.

Íbúðin er í gamla Tónlistarskólanum, hann er orðinn að mörgum stúdíóíbúðum. Smá breyting frá því að við gistum þar síðast, þá líklega á dýnum í skólastofum með píanóum árið 1994.

Talandi um Trivial, ég fékk örugglega mest evil Trivialspurningu allra tíma: „Frá hvaða framleiðanda voru tennisboltarnir á Wimbledonmótinu 2004?“

Ef einhver veit þetta (án þess að gúggla) skal ég veita verðlaun.

Meira hjá bóndanum en ekki fyrr en annað kvöld, líklegast.

bara myndir

2007-03-02T10:28:00.001Z

í dag, hugsa ég

lio

2007-03-02T08:43:00.001Z

vefsíða

2007-03-01T16:31:00.000Z

áfram tómt bögg með að hlaða henni inn á svæðið sem ég á hjá vodafone.

Spurning með að fá sér .mac svæði, eða þá .net. Einhver þarna úti hlýtur að geta lesið iWeb smíðaðar síður vandræðalaust.

hótel

2007-02-28T22:41:00.000Z

alltaf að komast meiri mynd á Ítalíuferðina í sumar. Nú vorum við að panta hótel. Verðum ekki í Róm sjálfri, heldur bæ við ströndina, Fiumicino. Gæti verið heldur svalara þar, þetta er á þokkalega heitum tíma til að vera inni í landi.

text

2007-02-28T08:56:00.000Z

msgs can b bd for u:

þetta er

2007-02-27T17:24:00.000Z

næstum því sætt...

(þá er að vita hvort ég get stolið live mynd frá mbl.is. Og hvort þeir kvarta)

vitið þið

2007-02-26T22:46:00.000Z

að Vestfirðingar hafa bara sjö áhugamál?

sex og brennivín!

sloppin

2007-02-26T10:29:00.000Z

held ég, finn ekkert fyrir hálsinum. Fjúkkitt :D

ég held

2007-02-25T20:41:00.000Z

að ég sé að fá hálsbólgu. Ekki gott. Smá slöpp, ekkert að ráði, röddin var ekki alveg eins og hún átti að sér á æfingu áðan, ekki með hita eða beinverki sem betur fer (vonandi ekki flensan :-O). Finnur er með kvef og hita og verður örugglega heima á morgun.

Að sjálfsögðu hef ég ekki nokkurn tíma til að verða veik. Styttist í próf hjá suzuki- og hafnarfjarðarkrökkum og bara 4 tímar eftir hjá lhí liðinu. Verst að ég treysti mér ekki í óperuna í kvöld, sem þýðir að ég missi af sýningunni. Það er súrt.

non sequitur

2007-02-25T11:15:00.000Z

tóm snilld í dag:

í gær

2007-02-24T13:57:00.000Z

þegar ég hefði átt að vera á kafi í að undirbúa matarboð settist ég náttúrlega frekar við tölvuna að fikta. Og þetta kom út.

Vínsmakk

2007-02-24T13:47:00.001Z

Vínsmakk
Originally uploaded by hildigunnur.

Við hjónin urðum þess heiðurs aðnjótandi að fá að starta vínsmakkblogghala. Hann Arnar hjá Vínum og mat gaf okkur þessa líka fínu vínflösku og bað okkur að smakka, gefa smá umfjöllun á síðunni og skora síðan á annan bloggara.

Mjög skemmtilegt verkefni og við settumst á fimmtudagskvöldið með The Footbolt Shiraz frá d'Arenberg. Við höfum reyndar smakkað þetta vín áður, og eigum gjarnan flösku af því til að grípa til, en höfðum ekki lagst í alvöru smakk á því áður.

Þegar við tókum flöskuna upp var hún reyndar fullheit, byrjuðum að smakka við um 21°. Kældum hana síðan örlítið niður, enduðum í um 19°, þar fékk vínið betur að njóta sín, var mun ferskara. Ilmurinn er mjög mildur og fínn, minnir á dökk skógarber, sérstaklega brómber.

Fyrsta bragð leiddi í ljós meiri skógarber, lakkrís og dökkt súkkulaði. Eftirbragðið er ekki sérlega langt en mjög gott. Þegar áfram var haldið í flöskunni fannst örlítil tjara og jafnvel smá brennisteinn (svona eins og þegar maður er nýbúinn að slökkva á eldspýtu). Jón fann ekki brennisteininn en hann fann hins vegar ristaðar möndlur, kannski sama bragð sem við erum að finna á svona mismunandi hátt.

Vínið þoldi vel tvenns konar ost sem við vorum með, parmaost og spænskan geitaost.

Við drukkum síðan aðra flösku af sama víni í matarboði í gærkvöldi og getum vottað að það fer afskaplega vel með lambakjöti með steinselju- og laukfyllingu :-)

Ég skora á hana Lindu blindu sem næsta hlekk í halanum.

einu sinni

2007-02-22T21:56:00.000Z

horfði ég eiginlega ekkert á sjónvarpið.

Það virðist vera liðin tíð. Nú fylgist ég með House og Heroes og er að detta inn í bæði Dexter og Prison Break. Hef reyndar ekki byrjað að horfa á Lost aftur, fyrsti þátturinn ekki að mínu skapi.

Já og svo get ég ekki beðið eftir því að sería 3 af Grey's Anatomy sé búin úti í Bandaríkjunum, svo við getum keypt hana (tími ekki að kaupa áskrift að Stöð2 bara fyrir það)

Ég er reyndar ekki frá því að ég sakni pínulítið sjónvarpsfælunnar sem ég var þangað til - tja, núna í nóvember eða svo...

þessi grein

2007-02-22T08:30:00.000Z

hér er frábær.

Það bara verður að fara að koma önnur stjórn í þetta ömurlega frjálshyggjuþjóðfélag sem við búum í.

yngri afkvæmin

2007-02-21T12:49:00.001Z

öskudagur '07
Originally uploaded by hildigunnur.

dj og bionicle á leið í skólann.

öskudagur 07

2007-02-21T12:47:00.001Z

öskudagur 07
Originally uploaded by hildigunnur.

Fífa, ásamt tveimur vinkonum. Sú í Arwenarbúningnum hannaði og saumaði búninginn sjálf, ekki smá flink.

krakkarnir

2007-02-21T09:47:00.000Z

farnir að öskudagast niður í skóla. Eiturfúl yfir að það skuli almennt hafa verið skóladagur, þar sem slíkt sé ekki í öllum skólum; Austurbæjarskóli gefur frí klukkan 12 og þá er víst megnið af namminu í búðum á Laugavegi bara búið, komið í safnpoka hjá krökkum sem áttu alveg frí.

Reyndar geta stelpurnar nú ekki kvartað, hafa yfirleitt komið heim með nammi í kílóavís. Veit ekki hvort Finnur fer að safna, Freyja var eitthvað að stræka á að hafa hann með. Hmmm.

gleymdi

2007-02-20T09:43:00.000Z

í færslunni í gær að þakka mínum kæru tölvunördum á ircrásinni #NIceland fyrir hjálpina með vandræðin, nokkrir þarna voru búnir að vera að brjóta heilann um þetta með mér, þótt endanlegu lausnina hafi ég sjálf fundið, eftir ábendingu viðgerðarmannsins.

En annað sem niceland gat hjálpað með var hlutur sem ég var búin að vera að pirra mig yfir síðan ég byrjaði að kenna í Listaháskólanum. Hef ekki viljað blanda saman netfanginu mínu þar og hér heima, þar sem ég vil vita frá hvaða netfangi ég sendi póst og ef ég er skráð á tvo servera á Mail (makkapóstforritinu hér heima) þarf ég alltaf að vera að tékka hvaðan ég er eiginlega að senda. Hins vegar mundi ég svo allt of sjaldan eftir að fara inn í netpóstinn til að skoða lhífangið mitt. Missti iðulega af póstum frá nemendum að spyrja um eitthvað, og öðru álíka. Afleitt, náttúrlega.

Var búin að margsenda póst á tölvudeildina hjá LHÍ til að biðja um að pósturinn þangað yrði bara sendur áfram á heimanetfangið mitt. Vissi að það var alveg hægt og átti ekki að vera mikið mál. Búin að cc-a á deildarforseta, var ekki farin að senda til rektors, reyndar ;-) Aldrei gerðist nokkur hlutur.

Nema hvað, á föstudagskvöldið var uppgötvaði ég að annar þeirra sem sjá um vefpóstinn hjá LHÍ stundar rásina mína. (þeir eru n.b. ekki á tölvudeild sjálfs skólans, vefpósturinn er útseldur). Spurði hann hvort hann gæti lagað þetta, sem var sjálfsagt og auðvelt mál. Tók hann innan við mínútu. Og ég búin að pirra mig á þessu í eitt og hálft ár! Takktakk.

Nú koma bréfin beint heim, í pósthólfið sem ég skoða amk. 20 sinnum á dag.

Snilld. Tóm snilld.

(afsakið annan nördapóstinn í röð hérna)

jibbíhúrraliggalái

2007-02-19T20:37:00.000Z

var í þvílíkri fýlu seinnipart dags, viðgerðagaurinn hjá Apple gat ekki fengið hljómborðið mitt til að tengjast tölvunni. Fór með þau skilaboð í kennsluna og tölvuna alveg eins heim.

Nema hvað, ég átti gamalt MIDI tengi frá MotU (Mark of the Unicorn, þeim gömlu góðu). Applemaðurinn sagði mér að prófa að fara inn á netið, skrá mig hjá MotU og sækja rekil sem hæfði tenginu og stýrikerfinu. Gerði þetta þegar ég kom heim, reyndar eftir að ég reyndi að sækja patch til M-Audio (sem þjónustar Evolution hljómborðin). Var búin að pirrast á því í góða stund þegar ég fór inn á MotU síðuna. Þar rataði ég beint á rekilinn, sótti hann, keyrði upp, tengdi hljómborðið gegn um MIDI, hrærði pínu í MIDI setup stillingunum og innsláttarstillingunum og voilá. Allt virkar.

ekki lengur í fýlu. Nibb.

upptökurnar

2007-02-18T19:48:00.000Z

búnar, snilld. Náðum öllu upp nema einu lagi (í gær, allt sem við ætluðum að taka í dag fór inn) en það er þegar komið út á diski með okkur þannig að það gerir minna til.

Á morgun fer tölvan ásamt hljómborði til læknis. Kannski voru mistök að kaupa fyrstu útgáfu af þessari tölvu, hefði átt að bíða eftir bugfixaðri útgáfu. Hmmm. En þetta SKAL ganga. Nái ég ekki hljómborðinu í samband eru tölvukaupin út í hött.

Gott að vera enn með þá gömlu uppsetta, þarf bara að stinga henni í samband, mér þykir vægast sagt ekki skemmtilegt að vera tölvu- og netlaus, þó það sé ekki lengi.

jahá

2007-02-18T01:35:00.000Z

ekki varð af bloggi í dag/gær. Upptökur allan daginn, (tæpir 9 tímar). rjúka heim að setja á mig andlit, fann ekki kjólinn sem ég ætlaði í (Væla lánaði ég þér svarta kjólinn með fjólubláu röndinni á bakinu?) Nevermænd, silfurkjóllinn did the trick.

árshátíð LHÍ var málið, fínn matur og vín, flottur veislustjóri, hljómsveitin frekar sad (risastórt eldhúspartí frammi á gangi, enginn eftir inni að dansa/hlusta á hljómsveitina)

Spurning um að fara að sofa, framhaldsupptökur á morgun, best að reyna að vera í formi. Meira síðar.

komin með

2007-02-16T17:29:00.000Z

barnaóperuna mína á stafrænt form. Verstur fjárinn að það sést bara ennþá betur þar hvað upptakan er ömurleg. Litirnir fáránlegir og hljóðið eins og í gegn um kodda.

Þarf að koma henni aftur í flutning, það er ljóst.

ég vildi...

2007-02-16T12:48:00.000Z

að allir hlutir væru lifandi, þá gætu þeir farið bara sjálfir á sinn stað.

Finnur snillingur

og mikið

2007-02-15T21:56:00.000Z

verður nú gott að fá unglinginn heim annað kvöld :-)

eBay

2007-02-15T21:53:00.000Z

við buðum í okkar fyrsta hlut á eBay áðan, græn í gegn, náttúrlega :-)

tókum fyrst og fremst ekki eftir því að viðkomandi sendir UK only (Óli, gætum þurft að leita á náðir þínar, fá að senda til Peters eða eitthvað), svo hló hálf ircrásin að mér að bjóða svona snemma, hækki bara verðið (10 dagar í að tíminn sé búinn).

Vona samt að við fáum þetta. Hlutur sem okkur vantar í græjurnar.

búningar

2007-02-15T16:12:00.000Z

Bionicle handa drengnum, yngri dóttirin lét sér duga svarta og fjólubláa hárkollu, vonast líklega til að fá nornakápuna systur sinnar lánaða.

gott að þetta er frá.

fundarstjóri

2007-02-14T00:25:00.000Z

var fundarstjóri á aðalfundi Sinfóníuhljómsveitar áhugamanna í kvöld. Það er skemmtilegt. Aldrei verið fundarstjóri áður.

Á næsta aðalfundi Tónskáldafélagsins má fastráðinn fundarstjóri passa sig (ég veit þú ert að lesa ;-)) Við stelpurnar fáum skoh bara að vera fundarritarar venjulega, næst væri ráð að skipta um hlutverk. Karlmiðað svolítið ennþá...

Annars vantar okkur fólk í hljómsveitina. Sérstaklega fiðluleikara, víóluleikara og brass, allir samt velkomnir. Ef einhver lesenda minna er með fjórða stig eða hærra í hljóðfæraleik, endilega hafið samband. Gerir ekkert til þó þið séuð ekki í æfingu og hafið ekki snert á hljóðfærinu í óratíma, það kemur bara á næstu æfingum. Allt í lagi þó maður nái ekki öllum tónunum, besta trikk tuttispilara er að kunna að feika. Þetta er hörkugaman og við erum að gera bara mjög góða hluti. Kommon, ppl!

Ítalía

2007-02-13T15:40:00.000Z

meiri mynd að komast á Ítalíuferðina í sumar, byrjum á 5 daga dvöl í Róm, þá leigjum við bíl og höldum norðaustur yfir Appennínafjöllin og í þessa villu, þar í viku í góðu yfirlæti. Síðan til baka til Rómar og heim.

Veit einhver um góð og ekki gífurlega dýr hótel í Róm?

getum annars ekki beðið :-)

eldri dóttirin

2007-02-13T14:00:00.000Z

farin í skíðaferðalag með skólanum, alla leið til Dalvíkur. Hún á náttúrlega ekki skíði frekar en við hin í fjölskyldunni og ég sagði henni að það þýddi ekkert að fara að fá skíðadellu, ekki séns að við förum að kaupa skíði og skó og allt fyrir tvö skipti á ári sem maður kemst í brekkur hér sunnanlands.

maður verður að passa sig

2007-02-12T13:09:00.000Z

að taka til í bílnum sínum svona stöku sinnum.

styttur

2007-02-12T10:08:00.000Z

snilldarstyttur út um heim sjást hér

hálsbólga

2007-02-11T22:04:00.000Z

gerði vart við sig í dag, eiginlega á tónleikunum (var að spila, ekki syngja, þannig að það gerði nú lítið til). Þýddi hins vegar að ég sleppti kóræfingu í kvöld. Eins gott að þetta verði orðið gott í upptökunum um næstu helgi.

tónleikarnir gengu annars bara fínt. Sólistarnir glönsuðu og það var heilmikill kraftur í bandinu líka. Ekki nema minimal klúður, maður biður ekki um meira.

Týndi síðan öðrum uppáhalds eyrnalokknum mínum einhvers staðar áðan. Vona að það hafi verið hér heima :-(

plaköt

2007-02-11T13:23:00.000Z

þessi stríðsmótmælaplaköt eru flott.

öskudagur nálgast

2007-02-11T12:41:00.000Z

og með honum óhjákvæmilegi hausverkurinn: Hvað getum við gert í búningamálum barnanna?

Ég er ekki svona mamma sem sest við saumavélina og galdrar fram glæsilega búninga. Ég á ekki einu sinni saumavél. Í Danmörku þykir víst alveg skelfilegt að búa ekki til búningana sjálfur (var að minnsta kosti þannig fyrir nokkrum árum). Þar væri ég vonlaus móðir. En ætli maður kíki ekki bara niður í Leikbæ, að minnsta kosti fyrir litla gaur, hans búningur síðan síðast orðinn allt allt of lítill. Yngri dóttirin spyr alltaf með jöfnu millibili hvað hún geti nú verið á öskudaginn og ég svara alltaf því sama: Veidiggi.

Ég held nú samt ekki að ég kaupi þennan handa þeim...

nú ættu

2007-02-10T18:41:00.000Z

bankarnir mínir að vita hver ég er, var að enda við að virkja auðkennislykilinn. Finnst þetta reyndar tómt bögg, dugar mér fyllilega að fara í heimabankann í tölvunni minni heima og það er bara ekkert svo auðvelt að komast inn í makkann til að stela upplýsingunum. En bannsettir bankarnir voru bara að hóta að fara að loka á mann. Ég ætla ekki að fara til baka í að standa í biðröð í bankaútibúi.

enn er komið að

2007-02-10T14:21:00.000Z

tónleikum hjá mér, nú á morgun heldur Sinfóníuhljómsveit áhugamanna tónleika í Seltjarnarneskirkju klukkan 17.00. Einsöngvarar með sveitinni verða Signý Sæmundsdóttir og Bergþór Pálsson, einleikari á píanó Ingunn Hildur Hauksdóttir. Lofa góðri skemmtun.

Veit annars ekki hvort nýja heimasíða hljómsveitarinnar er komin í gagnið. Það var um daginn samkeppni um lén fyrir okkur, kom fullt af tilbrigðum við amateursinfo.is, ahugasinfonia.is og hitt og þetta.

Fyndnasta tillagan fannst mér sú þar sem stafir voru veiddir út úr nafni sveitarinnar - Sinfóníu Hljómsveit Áhuga Manna og stungið upp á sham.is. Held samt að viðkomandi tillöguhöfundur hafi ekki gert sér grein fyrir því að það væri eitthvað athugavert við lénið...

sungum við

2007-02-09T20:57:00.000Z

útför Hallgerðar Gísladóttur í troðfullri Neskirkju í dag. Mjög falleg athöfn, yndisleg tónlist valin, og bjart í kirkjunni.

Blessuð sé minning merkrar konu.

hvernig stendur á

2007-02-08T15:26:00.000Z

því að visir.is dælir út eldgömlum urban legends fréttum þessa dagana? Þessi er til dæmis ekki sérlega trúverðug, þessi hér er minnst 5 ára gömul, (sjá hérna). Það var að minnsta kosti ein svona frétt í viðbót, líklega tvær. Ég er að minnsta kosti eiginlega viss um að hafa séð þessa frétt áður einhvers staðar þó ég sjái reyndar ekki neitt um hana á Snopes.

Stórskrítið, það er ekki eins og vefmiðill þurfi að fylla upp í einhvern blaðsíðufjölda.

nibb

2007-02-08T10:22:00.000Z

ekki að ræða það að ég sé að fá magapestina. Kemur ekki til greina :-O

er ekki alveg

2007-02-07T12:46:00.001Z

öruggt að þetta verður ekki næsti forseti Bandaríkjanna? :-O

veikindi

2007-02-07T10:00:00.000Z

ekki ég lengur, en bæði Freyja og Fífa eru heima lasnar, hvor með sína pestina. Heyrði í gær að allt upp í þriðjungur nemenda og kennara sumra skóla væri frá. Ojbara.

bound

2007-02-07T09:29:00.001Z

and gagged:

gúgull

2007-02-07T09:27:00.000Z

niðri í óratíma í gær, þessvegna ekkert blogg. Hefði verið í lagi á gamla blogger. Að ég muni hvað ég ætlaði nú að skrifa.

þessi dýr

2007-02-05T19:48:00.000Z

hérna eru nokkuð góð.

eitt sýnishorn:

ég hef

2007-02-05T14:24:00.000Z

alltaf verið sárhneyksluð á gleymdufatahrúgunum sem safnast fyrir í skólum landsins. Að fólk skuli ekki fylgjast betur með fötunum sem börnin fara í skólann og koma með heim. Eða koma ekki með heim.

Svo sem ekkert mikið minna hneyksluð núna en nú á ég strák. Fann tvær húfur og tvo vettlinga af honum í hrúgunni áðan. En ég leita þó að minnsta kosti. Og þetta voru ekki heilar úlpur og/eða kuldagallar.

Mér fannst eiginlega verst að á meðan ég stóð þarna við komu nær engir foreldrar að róta í hrúgunum. Fólki virðist vera alveg sama.

stone soup

2007-02-04T17:49:00.001Z

ræman góð í dag:

hah

2007-02-04T00:59:00.000Z

mundi það.

Í matarboðinu sem bóndi minn talar um á sinni síðu spiluðum við eitt Trivial spil. Það var eiginlega hálf sorglegt - fyrir hitt liðið. Við Jón Lárus og Freyja gersamlega rústuðum þeim, þær hinar komust bara ekki að.

Gott að vera stundum þarna megin í Trivial, Jón Lárus á þetta til þegar við erum að spila. Ég kemst bara ekki að.

(hef nú samt stundum unnið, ekki oft, en þeim mun ánægjulegra þegar gerist)

alveg getur maður orðið pirraður

2007-02-04T00:54:00.000Z

starta blogger með þessa fínu hugmynd að bloggi og þegar glugginn opnast hefur maður ekki græna glóru um hvað það var. Grrr.

video-dvd

2007-02-03T15:51:00.000Z

veit einhver hér hvaða fyrirtæki tekur að sér að flytja gögn af vídeóspólum yfir á dvd? Ég hélt að ég myndi kannski geta gert það sjálf á nýju tölvunni en það er náttúrlega bara analog audio in en ekki video in tengill á henni. Er að spá í barnaóperuna mína, þó upptakan sé reyndar skelfileg. Myndi helst vilja fá bæði venjulegt dvd til afspilunar í sjónvarpi og svo tölvufæl (avi eða álíka).

Svo langar mig líka að yfirfæra tónleika sem við sungum einu sinni, verk PDQ Bach.

barnaníðingsdómurinn

2007-02-02T21:56:00.000Z

Mótmælum öll!

sjá hér

Hélt að Mogginn hefði tekið réttan pól í hæðina í dag, en var síðan bent á að mögulega væri þetta hefnd, sömu dómarar og vísuðu Baugsmálinu frá.

vona Moggans vegna að það sé ekki rétt.

mont

2007-02-02T16:55:00.000Z

Stelpurnar búnar að fá einkunnirnar, Fífa með slétt 9 í meðaleinkunn og Freyja með 8,8. Ekki smá flott hjá þeim.

Spurning með verðlaun.

fékk

2007-02-02T09:46:00.000Z

bréf í póstinum í gær sem ég bara verð að birta (já, búin að fá leyfi). Hér kemur:

Sæl.

Ég verð að fá að ausa aðeins úr skálum reiði minnar við ykkur.

Í borgum eða bæjum í Evrópu þar sem stundum svæði á stærð við 101 eða jafnvel mun stærri eru öll undir svokallaðri hverfisvernd sem hefur verið kölluð verndun götumyndar hér á landi er stundum gripið til þess ráðs að byggja hús sem eru eftirlíkingar af annað hvort húsinu sem fyrir var eða einfaldlega af húsastílnum sem er ríkjandi. Þetta getur verið mjög eðlileg ráðstöfun til að yfirbragð hverfisins haldi sér á svæðum þar sem meginreglan er að ekki meigi hrófla við neinu.

Deiliskipulagið í miðborg Reykjavíkur á ekkert skylt við þetta fyrirkomulag, verndun götumynda er notuð á einstaka húsaraðir ( stundum 3 hús í röð eða stundum 1 hornhús) en engin heildstæð verndun götumynda er gangi í miðbænum. Síðan vill það stundum verða að fólk vaknar upp við það að búið er að reisa blokk á næstu lóð þar sem við lýði var verndun götumynda eins og gerðist á Lindargötu og þá er einfaldlega vernduninni aflétt eftir á en það er annað mál.

Það er undarlegur bræðingur að taka upp þessa aðferð við að byggja eftirlíkingar þegar um er ræða örlítið brot af þeim húsum sem fyrir eru. Dæmið um Laugaveg 74 er alveg stórfurðulegt, Við Laugaveg er nú leyfilegt er að rífa 75% af húsum byggðum fyrir 1918 og í öllum þeim tilvikum er ekki verið að gera neinar ákveðnar kröfur um útlit nýbygginga, fullyrðingar stjórnmálamanna um að arkitektar myndu í þetta skiptið reyna að byggja hús sem féllu að þeirri byggð sem fyrir er hafa ekki gengið eftir.

Laugavegur 74 tilheyrir einni af þeim sárafáu húsaröðum sem áttu að vera undir hverfisvernd. Saman eru þau 3, Laugavegur 70,72 og 74 sem samkvæmt auglýsingabæklingi sem dreift var í öll hús eru:

"Samstæða reisulegra timburhúsa sem njóta verndar sem mikilvæg í götumynd Laugavegar, reist árið 1902"

Í þessum sama bæklingi stóð einnig:

"Nauðsynleg uppbygging og viðhald sögulegs umhverfis haldist í hendur"

Stuttu eftir að þetta er skrifað samþykir skipulagsráð að hús nr. 74 verði rifið með því skilyrði að byggð verði eftirlíking af framhliðinni. Það fannst þeim nægja til að viðhalda vernd götumyndar og fannst ekki einu sinni að þyrfti að kynna þetta
(ástæða þess að þetta mál komst upp er að lóðaeigendur ákváðu að reyna að selja lóðina þegar þeim hafði áskotnast nægilegt byggingarmagn). Þar sem einungis er um að ræða 3 húsa röð er barnaskapur að halda að þetta hús verði einhvers virði þegar framhliðin er leikmynd. Ef að lóðaeigandi myndi síðan sækast eftir því eftir einhvern stuttan tíma að fá að breyta framhliðinni í eitthvað allt annað þá er ekki líklegt að nokkur myndi standa í vegi fyrir honum enda eftirlíkingar sjaldnast einhvers virði. Í rauninni er ekki svo ólíklegt að fallið verði frá því að byggja leikmyndina.

Þetta mál er ekkert annað svik við þessa agnarlitlu húsverndarstefnu sem lofað hafði verið. Skipulagsráð er að fara í kringum kerfið sem það hannaði sjálft. Ég veit ekki hvort að þetta telst löglegt yfir höfuð en siðlaust er það að minnsta kosti.

Ég er á því að þetta mál verði að komast í hámæli, þannig að þeir sem hafa aðgang að blaðamönnum ættu að láta í sér heyra.

Kveðja

Þórður Magnússon

potterinn

2007-02-01T16:48:00.000Z

jei.

Reyndar fyndið, bók 6 keyptum við litlasystir og lásum úti á Ítalíu. Tvö eintök, ekki séns að önnur gæti beðið eftir hinni, hvað þá að skiptast á.

Þennan laugardag sem bókin kemur út er svo öll fjölskyldan - já, á leið til Ítalíu aftur. Ætli þeir hafi frétt af þessu hjá forlaginu?

stefjakeppni

2007-02-01T14:12:00.000Z

Hlaupanótunnar er í fullum gangi. Hann Halldór Bjarki litli (tja, ekki svo litli lengur, reyndar, 14 ára) frændi minn á stef í 8 liða úrslitum. Hlustið á það hér, svona 2-3 mínútur inn í þáttinn.

4 stef voru spiluð í Hlaupanótu gærdagsins, dreift jafnt í gegn um þáttinn. Mér fannst fyrstu tvö bera af, öll þó góð. Hlakka til að heyra stefin í þætti dagsins. Uppfæri færsluna kannski, eftir þáttinn.

já og ég tók ekki þátt í keppninni ;-)

traustvekjandi...

2007-02-01T12:45:00.000Z

svo satt

2007-01-31T22:18:00.000Z

grettir

2007-01-31T10:01:00.001Z

óvenju góður í dag:

land sleikur

2007-01-30T20:02:00.000Z

er með landsleik í stereó nema hátalararnir eru ekki til hægri og vinstri heldur fyrir ofan og neðan. Gunni hér uppi á lofti með hóp að horfa, heyrist mér og svo voru feðgarnir hér niðri áðan, Jón Lárus reyndar farinn í fótbolta en Finnur er enn niðri. Og ég sem hef ekki minnsta áhuga á þessu.

þetta

2007-01-30T13:45:00.000Z

hér er ástæðan fyrir því hvað manni er illa við Microsoft.

(heyrst hefur sá leiði misskilningur að Mac sé ekki opið stýrikerfi*, það hefur ekki verið svo síðan OSX kom. Það stýrikerfi er Unix baserað og nú þegar talsvert opnara en Windows; með þessari breytingu verður munurinn þokkalega mikið meiri)

(*breyting á færslu)

Gekk bara

2007-01-29T22:38:00.000Z

bærilega áðan, varla hægt að segja að tónleikarnir hafi verið sérlega vel sóttir en þó alls ekki vandræðalega fátt. Gæti trúað að það hafi verið betri heildarmynd á þeim núna heldur en í sumar. Pínu vandræðagangur þegar við áttum að setjast, gleymdist að taka frá bekkina sem við ætluðum að nota, þannig að við þurftum að setjast vítt og breitt. Ekki það, það var nóg af sætum fyrir okkur...

Hljómeyki

2007-01-28T22:27:00.000Z

minn kæri fíni kór er með tónleika annað kvöld (mánudagskvöld, þ. 29. janúar) klukkan 20.00 Endurtekið efni frá í fyrrasumar í Skálholti, þannig að kæru lesendur, ef þið misstuð af okkur þá er tækifæri til að heyra verkin núna.

Mótettur, lög, slagverk og elektróník, allt eftir Úlfar Inga Haraldsson. Verulega flott músík og ég þori að lofa flottum flutningi (hvort sem ég nú treysti mér til að standa þarna uppi og syngja eður ei)

Seltjarnarneskirkja klukkan 20.00. Myrkir músíkdagar. Mætum öll (eriggi allir í sduði)?

kvefið

2007-01-28T22:25:00.000Z

tekur sinn toll, fór á kóræfingu áðan og gat ekki staðið og sungið nema hluta æfingar. Ekkert að röddinni, það er ekki málið, nema ég á afskaplega erfitt með að humma. En slöpp, maður minn!

Tónleikar annað kvöld, vona ég geti sungið. Efast satt að segja um að ég treysti mér í kennslu. Kemur í ljós.

Já, best að plögga tónleikana annars.

Atsjú!

MIDI vesen

2007-01-27T17:31:00.000Z

arrg, næ ekki MIDI sambandinu í gang á nýju tölvunni. Ekki mjög gott, þar sem ég verð að fara að klára Gradualekórverkið. Gæti þurft að tengja þá gömlu aftur í smá tíma (neeeeeiiiii!).

Hvern ætli sé best að tala við? Er einhver hér á Makkaspjallinu, ég næ ekki að tengjast þar. Hmmmm.

house

2007-01-26T22:26:00.000Z

seríur 2 og 3 komnar í hús. Plús sería 1 af Heroes. My source fylgist ekki með Grey's, því miður. En þetta er nú ekki verst samt. 3 þættir í kvöld og sá fjórði að fara í gang. Gaaaamaaaan!

debbmælt

2007-01-26T13:39:00.000Z

alveg að farast úr nefkvefi þessa dagana, hundleiðinlegt en skárra en að það væri á röddinni (tónleikar á mánudagskvöldið).

Annars legg ég til að allir lesendur kíki hingað. Og fari eftir ráðleggingunum. Ekki smá augljóst hvað er búið að vera að gerast.

fórum á

2007-01-25T23:47:00.000Z

sinfóníutónleika áðan, á Myrkum músíkdögum. Bráðskemmtilegir, segið svo að nútímatónlist sé hundleiðinlegt torf ;-)

Örlygur Benediktsson með ekki alveg allt verkið sitt víst, byrjaði í miðjunni eða svo. Veit ekki hvert hann er kominn eða hvort hann er að vinna algerlega aftur á bak. Lokakaflinn var að minnsta kosti þrælflottur, hlakka til að heyra verkið allt.

Karólína með mjög fínan tvöfaldan flautukonsert, rytmískt skemmtilegar pælingar og Martial og Guðrún glæsilegir sólistar. Vel skerandi pikkólópartar stundum, samt.

Erik Mogensen fannst mér stjarna kvöldsins. Verkið hans var það flottasta sem ég hef heyrt frá honum, pínu kvikmyndatónlistarbragur, byrjunin þrælflott með kontrafagotti, túbu og kontrabössum, bara æðislegt stykki. Langar í upptökuna.

Herbert H. Ágústsson svo með eina verkið í kvöld sem ekki var frumflutningur. Hef reyndar heyrt það áður en það er bráðskemmtilegt verk sem á verulega skilið að vera fastur punktur á dagskrá Sinfó. Já, og ekki bara sem partur af Myrkum músíkdögum.

Voru smá umræður í hléi um að það hefði mátt koma einu verki í viðbót að á tónleikunum, já þeir voru frekar stuttir en mér fannst þeir gersamlega passlegir samt. Hvers vegna í ósköpunum að troða meiri músík á tónleika sem voru fínir fyrir. Ég er bjargföst á þeirri skoðun minni að það eigi að skilja hlustendur eftir þyrstandi í meira, ekki farna að hugsa: Jæja, er þetta nú ekki orðið gott?

hananú

2007-01-25T23:22:00.000Z

líklega hafa fleiri komist að því í kvöld að gamli Blogger er hættur. Ekki það, ég reiknaði svo sem með því að flytja mig fyrr eða síðar, reiknaði varla með því að Bloggerfólk stæði í viðhaldi og viðgerðum á tveimur kerfum. En semsagt, áðan var bara ekkert gefinn valmöguleikinn á því að logga sig inn á þann gamla.

Stór plús, ég kemst inn á Brallið. Sem ég gerði ekki áður, þrátt fyrir að eiga nýja Bloggersíðu (bara til að taka frá lénið hildigunnur.blogspot.com, án auka errs í enda nafnsins míns). Núna datt hún inn.

Í tilefni af því fór inn uppáhalds súkkulaðikakan okkar. Betty Crocker, eat your heart out... Og verði ykkur að góðu :-)

tvöfalt afmæli

2007-01-25T09:35:00.000Z

bæði Óli bróðir og Stebbi mágur eiga afmæli í dag. Til hamingju, strákar :-)

ojbarasta

2007-01-24T20:42:00.000Z

Hvað er með allan þennan viðbjóðslega hundaskít sem kemur undan snjónum? Maður getur ekki sleppt augunum af gangstéttinni, hér niðri í bæ, að minnsta kosti. Halda hundaeigendur (ókei, ekki allir en of margir) að það sé allt í fína að hirða ekki upp eftir kikvendin þar sem vibbinn hverfur í snjóinn.

við búum ekki á Suðurskautslandinu, kæru hundaeigendur. Hér BRÁÐNAR snjór...

hinn nýi

2007-01-23T15:32:00.000Z

Kristur je, ræt!

verður þá Cruisemas?

Minn kæri

2007-01-23T09:03:00.000Z

heimsins besti maður á afmæli í dag.

til hamingju með það, sæti.

(nei, ég er ekki stærri en hann, stend bara ofar á steininum ;-))

gömlu hjónin
Originally uploaded by hildigunnur.

wahahahahahaha!!!

2007-01-22T12:59:00.000Z

Bozzetto er snillingur :-D

gamla tölvan

2007-01-22T12:38:00.000Z

er komin með heiðurssess á hillunni bak við og fyrir ofan skjáinn minn. Áður en þið farið yfir um af nördahættinum í mér verð ég að taka fram að þetta er pottþétt flottasta vél nokkurn tímann smíðuð. (já og svo til að spila einn af uppáhaldsleikjunum mínum gæti ég þurft að tengja hana upp á nýtt, sá keyrir á classic, sem Tiger styður ekki...)

ég þarf

2007-01-21T23:52:00.000Z

greinilega að leita mér að brauðrist úr burstuðu stáli til að vera í stíl. Þannig er reyndar einmitt þessi rándýra í Kokku...

(iiii, djók, hún er úr shiny stáli)

Annars er ísskápurinn minn ekkert úr burstuðu stáli, líklega áli, það festast nefnilega ekki við hann seglar. Ekki einu sinni hægt með góðu móti að festa á hann listaverk barnanna. Gott mál, bara. Leysum listaverkamálið öðruvísi, ásamt stundatöflum og þvílíku (excel skjal fyrir stundatöflur, maður er alltaf í tölvunni hvorteðer) og ísskápurinn fær að njóta síns grandeur)

heh

2007-01-21T13:06:00.000Z

ekki fyrr búin að lýsa því yfir að við séum hætt tækjakaupum í bili en að brauðristin hrynur. Líka brúðargjöf eins og ísskápurinn, ætli það sé bara 17 1/2 árs endingartími á þessum græjum?

nú langar mig í flottu brauðristina í Kokku. Tími því samt engan veginn. Elko, hér komum við.

Bara að bíllinn heyri ekki af því að hlutirnir eigi að vera að klikka hjá okkur þessa dagana...

heil 6 verk

2007-01-21T10:26:00.000Z

flutt eftir mig í dag. Ekki viss um að slíkt hafi gerst síðan ég var staðartónskáld í Skálholti.

Fyrst bæði forspil og eftirspil í messu í Langholtskirkju, glænýjar orgelútgáfur af tveimur verkum (sýnist ég vera á leið í messu...) og svo Hymnódía með heil 4 lög á tónleikum klukkan 14 í dag, líka í Langholtskirkju. Hymnódía er frábær kór, ég hvet ykkur til að koma og hlusta.

já og hitt nýja tækið

2007-01-20T20:24:00.000Z

maður verður nú að leggja sitt af mörkunum til að auka viðskiptahallann, ekki satt?

reyndar hætt því í bili, nóg komið.

ofurtölvan ;-)
Originally uploaded by hildigunnur.

hér sést

2007-01-20T20:20:00.000Z

sá nýi. Ekki glæta að ég tími að hlaða utan á hann einhverjum stundatöflum barnanna og einhverjum útklipptum bröndurum. Séns með original listaverk krakkanna, samt.

nýi ísskápurinn
Originally uploaded by hildigunnur.

hávaði

2007-01-20T01:09:00.000Z

í nýju tölvunni.

Ekki alveg að marka, Cubinn var gersamlega steinþögull, engin vifta, sko. Aflgjafinn nógu langt í burtu frá tölvunni til að það þurfti litla kælingu og náttúrulegt loftflæði notað í stað viftu.

Hvers vegna í ÓSKÖPUNUM er þetta ekki standardinn?

Jú heyrðu...

2007-01-19T21:08:00.000Z

hérna er dagskráin, ekki öll, en frá degi til dags. Hlaut að vera.

aaaaaarghhhh

2007-01-19T17:20:00.000Z

hef ekki fengið MIDI dótið til að virka og nú held ég að ég sé búin að klúðra Audio MIDI setup application á tölvunni með fiktinu í mér.

þetta gengur engan veginn...

Myrkir

2007-01-19T09:42:00.000Z

músíkdagar byrja á morgun. Það verður veisla. Fullt fullt af spennandi atriðum. Verst að það er engin vefsíða með prógrammi til að vitna í hérna.

Ég ætla að fara á slatta, opnunartónleika til heiðurs Sveinbirni Sveinbjörnssyni í Salnum annað kvöld, Hymnódíu á sunnudaginn klukkan 14.00 í Langholtskirkju (þau flytja 4 lög eftir mig :-D), kannski Kammersveitina sama kvöld (20.00 í Listasafni Íslands, tveir kvartettar frumfluttir, þar á meðal einn eftir staðartónskáldið okkar í Skálholti í sumar, Svein Lúðvík Björnsson). Svo er slagverksdúó í Von (sal SÁÁ) á mánudagskvöldið, spennandi. Hvar er sá salur annars? Aldrei komið þangað.

Frí á þriðjudaginn, hljómsveitaræfing

Sinfó á fimmtudaginn, þangað mætir maður, mögulega á raftónleika á föstudaginn, líklega á Slide Show Secret á sunnudaginn, tja, eða blásarasveitina, eða hvorttveggja. (hmmm, nei, við erum víst með æfingu á meðan blásarasveitartónleikarnir eru)

Svo á mánudaginn erum við í Hljómeyki með prógrammið síðan síðasta sumar í Skálholti, verk Úlfars Inga Haraldssonar. Flott músík og flutningurinn ætti að vera top notch. Meira um það síðar.

Alltaf skemmtilegt á tónleikum Lúðrasveitar Reykjavíkur, þeir verða á fimmtudeginum 1. feb. Spennandi efnisskrá.

mér sýnist ég ekki verða mikið heima hjá mér þessa viku...

svo er

2007-01-18T20:40:00.000Z

þetta hér bara tóm snilld :-D

tölvan

2007-01-18T20:13:00.000Z

jamm, nýja tölvan mætt á svæðið, þetta er fyrsta færsla frá henni. Ekki smá munur.

Reyndar eru (sumir) tölvunördarnir á irkrásinni minni sárhneykslaðir á því að ég skuli vera að kaupa mér svona brjálæðislega flotta og öfluga dual processor tölvu og ætla ekki einu sinni að keyra tvo skjái.

pásan, já...

2007-01-17T20:52:00.000Z

hún verður víst föst á miðvikudögum, verstur fjárinn að ég neyðist til að bæta tímanum aftan við kennsluna. Það var ekki það sem ég var spenntust fyrir, ónei. Einkanemandinn í framhaldsskóla og taflan náttúrlega snarbreyttist eftir áramót. Súrt.